Teser, Lunchtime, Post-Aalborg (Home)
NAFOS: Well, that wiz brutal last night. Ah hate tae see left-fittit players takin penalties wi thur left fits
SOAL: Wid yi raither they took thum wi thir right fits ?
NAFOS: Naw, Ah'd raither they never took thum at aw. Rogan, Dobcheck, Brady, Rix - the list is goalless.
WG: N yon goal...
SOA: Whit goal ? Wi didny score any apart fae the wan that tool chalked aff
WG: Ah mean the actual goal, the goalmouth area it the huns end. Hauntit it is, Ah'm convinced ay it
NAFOS: Haunted bi who or bi whit ?
WG: Hauntit bi the ghost ay Henrik Dixie Nicholas Thomson
SOAL: Only wan ay thaym's deid WG
WG: Ah know - 'fur in yir goal a spirit stands, Johnny Thomson is his name'.... bit the thing is this....
NAFOS: Whit noo ? Cin yi no joost accept things is they ur in reality for wance in yir sad life ?
SOAL: Naw, hear him oot NAFOS, Ah waant tae see where this is gaun.
WG: Ower the crossbar probably, Arthur. Noo, if we accept that the spirit ay Johnny Thomson - NO the spirit ay Arthur Lee - if we accept the spirit ay Johnny thomson is in oor goal dis he chinge haufs at hauf time ? Dis he know which wey we're shootin ? Ah think he disnae. Ah think he spooks OOR penalty-takers it the huns end. Think aboot aw the misses ower the years. Wi must huv missed aboot a hunner agin the Jags n still goat through wan night. Naw, naw - Ah think that goal is hauntit... n hauntit the wrang wey.
NAFOS (shakes his head despairingly) WG, cin Ah offer ye a spirit ay yir choice ?
Subscribe to:
Post Comments (Atom)
No comments:
Post a Comment